Многумина од нас често се прашуваме дали нeкоја храна е безбедна да му ја дадеме на нашето куче за јадење. Готвиме, седи до нас и не гледа со тажни и молежливи очиња а ние се туфкаме и не знаеме дали смееме. Во овој пост ќе ја видиме храната која има 0 (нула) ризик за нашето куче. Имајте на ум дека никако не смее да се претерува со количината на било кој од овие продукти, дека секое месо или риба треба да биде целосно исчистено од коски за да го намалиме ризикот од повреди на желудникот и цревата, исчистено од масните делови (особено свинско и јагнешко) и дека не треба да употребуваме зачини. Не заборавајте дека овошјето и зеленчукот треба да ги исчистите од семки. Понудете му на кучето по малку, доколку нешто не му се допаѓа и одбива да го јаде не инсистирајте 🙂 Никогаш не претерувајте со количината, овие намирници треба да ја збогатат основната кучешка храна, а не да бидат основата.
