Проблеми со шепите кај кучињата

Шепите се еден од најчувствителните и најизложени делови на телото на кучето. Тие се во постојан контакт со подот, асфалтот и надворешната средина, што ги прави подложни на разни инфекции, повреди и кожни проблеми. Во овој водич ќе ги разгледаме најчестите проблеми со шепите на кучињата, нивните симптоми и начини на третман.


Габични инфекции на шепите кај кучињата

Габичните инфекции често се поврзани со алергии. Лижењето, топлината и влагата создаваат идеална средина за развој на габи.

Симптоми:

  • интензивно лижење на шепите
  • црвени нокти
  • розово крзно
  • чешање
  • секрет

Терапија:
Антигабични масти, шампони и лекување на примарната причина (најчесто алергија).


Бактериски инфекции на шепите

Кај кучињата, бактериите се дел од природната флора, но може да предизвикаат инфекции ако дојде до нарушување на балансот.

Симптоми:

  • лижење
  • црвенило
  • оток
  • болка
  • гнојни промени

Терапија:
Вашиот ветеринар ќе земе примерок за анализа и ќе препише соодветен антибиотик (орално или топикално).


Проблеми со шепите – откорнати и сраснати нокти

Откорнати нокти: настануваат при игра, борба или закачување.
Сраснати нокти: се јавуваат поради нерегуларно сечење, при што ноктот влегува во перничето.

Терапија:
Сечење, седација (ако е потребно), антибиотици и аналгетици.


Изгореници од асфалт и смрзнатини

Асфалтот во лето може да биде фатално врел, додека зимата предизвикува смрзнатини.

Превенција:

  • Избегнување прошетки во екстремни услови
  • Обувки за кучиња
  • Проверка на шепите по секоја прошетка

Терапија:
Преврски, антибиотици и лекови против болка.


 

Крлежи и грини

Крлежи: се кријат помеѓу прстите и може да предизвикаат инфекции ако не се извадат правилно.
Грини (Demodex): живеат во фоликулот и предизвикуваат демодикоза.

Терапија:

  • Крлежи: вадење кај ветеринар

  • Грини: лекување со медицински шампони и таблети, третман кој трае со месеци


Проблеми со шепите – обраснато крзно и туѓи тела во шепите

Преголемото крзно задржува ѓубре и може да доведе до инфекции.
Тревки и дрвца помеѓу прстите можат да предизвикаат сериозни болки и абсцеси. 

Симптоми:

  • лижење

  • штедење на ногата

  • оток и воспаление

Терапија:
Проверка по секоја прошетка, скратување на влакната, седација и антибиотска терапија при потреба.


Заклучок

Редовната проверка и нега на шепите може да спречи сериозни здравствени проблеми кај вашето куче. Консултирајте се со ветеринар при првите симптоми на црвенило, болка или оток. Превенцијата и раната интервенција се клучни за здрави и среќни шепи.

Сакаш да прочиташ како да ги заштитиш шепите на твоето куче во зима? Кликни тука

Leave a Comment

Your email address will not be published. Required fields are marked *

Scroll to Top